"فلاش باك"
بقلم - مؤمن عدلي
ظهور لبطل عشريني في حالة اجهاد ثم تلاشت الصور ببطء وصوت ايقاع موسيقي يشير الي العودة للماضي والتذكر.
زارني فجأة شريط حياتي
زي ما يكون عمري ضاق
وابتدي طقوس الفراق
شوفت عيّل ف ابتدائي
بيجري قُدام الفصول
فرحة بتلالي ف عيونها
والله وكبِرت وبَقيت
دهشة ساعة ما اتنسيت
صوت لتيتا ف يوم وفاتها
وهي بتقول الوداع ..
غلطة كانت.. بس سابت..
عزم أقوي من الضياع
ضحكة صافية بحس عالي
دمعة بتصحي الليالي
حسبة العمر اللي جالي
كام دقيقة بطعم ' يااااة '
كام مغامرة وكام مخاطرة
حتي ف الأحزان حياة ..
يا زمن محسبش منّي
غير ملامح الانفعال
زود الفاضل وضيفة
أصلي قررت اني أعيشة
روح بتشبة للعيال ...
أصلي قررت اني أعيشة
روح بتشبة للعيال ...
