وهم الدايت..
بقلم - د جمال حماد
استاذ علم الاجتماع بكلية الآداب جامعة المنوفية
ضحك على الدقون، ضوسبوبة ولاد الحريفه،وسوق للهبل والاستعباط، وفعلا فيه ناس من حقهم علينا، يلاقوا ناس يستعبطوهم، لأنهم بيصدقوا الهبل فى الهبل، وكله هبل..
اه فى علوم ودراسات،ومتخصصين، هننكر ، لا طبعا، وفى حالات مرضيه، طبعا...
إنما فى العموم فيه منطق وأعمال للعقل....
١- هتنظم حياتك الغذائيه،وتلعب اي رياضه، فى بيتك فى شغلك،فى الجيم،فى الشارع،اقلها امشى فى شوارع ربنا...
٢- هتاخد بالك من السكر والعيش والدهون،خلصت الحدوته مع شويه نوم تمام،هتلاقى نفسك ،صحه سلامه..
٣- ده بجانب بقى نعلم ولادنا ياكلوا كل الاكل المفيد، وطبعا كلنا حافظين( فاكهه،وخضار، وعصاير فرش )، ومفيش اكل قبل النوم،والمثل الصينى ال كلنا حافظينه .
خلص فطارك،كل نصف غداك،أدى عشاك لعدوك.
لا ده فى الصين...
احنا بقى هنصحح، علشان احنا مصريين
ياعم....فطار، وغداء، وعشاء، لكن بحساب
اقرا بقى خريطة بطنك، وعقلك، وطفاستك، واشتغل على نفسك....
يلا باى،ومحدش يجيلك فى دايت..
ا.د جمال حماد.
استاذ علم الاجتماع بكلية الآداب جامعة المنوفية
