اقفش عقلك
بقلم - حنان عصمت
اقفش عقلك
العقل بيمشي بsystem
و السيستم هو برمجه العقل علي شويه انماط تفكير ...
و البرمجة دي احياناً هي اللي بتودي حياتنا في طريق احنا مش عايزينه....
طيب هي ايه شويه البرامج دي ؟
والبرمجه دي في اللي قدر يتخلص منها و فيه اللي مش عنده من الاساس...
عقلنا متسيسيتم علي فكرة حل المشكله و العيش داخل المشكله فلو ملقاش مشكله لازم يخلق لك مشكلة وشوف كده علي مدار حياتك
تبقي انت اقفشت المشكله ولاقيت لها حل
تفتكر خلصت كده ؟؟؟
لا
ليه؟؟؟؟؟
العقل مش هيقعد فاضي لازم فوراً يبحث عن شيء ينغص حياتك...
شطارتك بقي
انك تعمل track لعقلك و تشوف بيمشي ازاي و تقفش الطريقه دي فورا
طيب انا هستفيد ايه لما اعمل كده؟
هتستفيد انك متصدقش ان المشكله دي انها مشكله من الاساس
هتفهم طريقة عقلك وتصاحبه وتطوعه ليك و بدل ما انت تصدق المشكله وتمشي ورا عقلك
انت اللي هتدي لعقلك المشكله وتخليه يمشي وراك....
ثانياً
عقلك دايما هتلاقيه عايش في الماضي و زعلان علي اللي فات منه او ندمان علي اللي فات او هتلاقيه عايش في المستقبل و هيحقق ايه بكره و بعد سنه و بعد خمس سنين و هكذا..
وبالطريقة دي العقل بيسرق منك اللحظه الحاليه و تفضل مصدق ماضيك او مستقبلك و ناسي دلوقتي اللي هو حقيقي و بين ايديك بس انت مش شايفه و مش حاسه
برده اقفش عقلك اول ما يفكر في بكره او يحن لامبارح
وابدأ شوف انهارده وعيش فيه
و قف عقلك ان يسرقك من دلوقتي....
ثالثاً:
عقلك بيخاف
اعرف ازاي ان عقلي خايف؟؟؟؟؟
عقلك بيخاف لما يبقي مش قادر يواجهه؟
و ازاي مش قادر يواجهه؟
يتهرب من تحمل المسؤليه ...
لما يخلق اعذار عشان يلاقي مبرر للمشكله...
لما يدور علي حد كشماعه ويلبسه اي ازمه يوقع فيها...
لما يرمي اللوم علي اللي حواليه...
...
عقلك أداة ربنا اديهالك زي اي اداه تانيه في جسمك ليه وظيفه معينه دورك تستخدمهُ صح وتعرف توظفها في ازدهار حياتك .....
متصدقش عقلك اوي عشان المشكله انت اللي بتخليها مشكله
Deal with your life as a puzzle
يعني اتعامل مع مشاكل اللي عقلك بيصدرهالك كانها لعبه...